Tuesday, March 31, 2009

WINNER POEM APRIL,2009

ਹੱਥ
ਯਾਰਾਂ ਵੱਲ ਵਧਾ ਕੇ ਹੱਥ , ਦੇਖੇ ਬਹੁਤ ਮਿਲਾ ਕੇ ਹੱਥ
ਉਸਦੇ ਦਿਲ ਵਿੱਚ ਹੈ ਕੋਈ ਚੋਰ , ਖੜਾ ਜੁ ਪਰੇ ਛੁਪਾ ਕੇ ਹੱਥ

ਦੁਸ਼ਮਣ ਜਦੋਂ ਦਿਖਾਵੇ ਅੱਖਾਂ , ਉਸਨੂੰ ਦੇਖ ਦਿਖਾ ਕੇ ਹੱਥ
ਡਾਢੇ ਅੱਗੇ ਕੀ ਹੇ ਜ਼ੋਰ , ਛੱਡਦਾ ਸਦਾ ਜੁੜਾ ਕੇ ਹੱਥ

ਐਵੇਂ ਕਰਜ਼ ਨਾ ਦਿੰਦਾ ਸ਼ਾਹ , ਰੱਖਦੈ ਸਦਾ ਵਢਾ ਕੇ ਹੱਥ
ਦਿੰਦੈ ਸਦਾ ਦਿਲਾਸਾ ਯਾਰ , ਫੜ ਕੇ ਹੱਥ , ਦਬਾ ਕੇ ਹੱਥ

ਖੇਡਾਂ ਖੇਡ ਨਾ ਅੱਗ ਦੇ ਨਾਲ , ਬਹਿ ਨਾ ਜਾਈਂ ਜਲਾ ਕੇ ਹੱਥ
ਹੌਲੀ ਹੌਲੀ ਮੁਕਦੇ ਨਹੀਂ ਕੰਮ , ਮੁੱਕਣ ਤੇਜ਼ ਚਲਾ ਕੇ ਹੱਥ

ਬੋਲ ਨਾ ਚੰਗੇ ਮੰਦੇ ਬੋਲ , ਗੱਲ ਕਰ ਪਰੇ ਹਟਾ ਕੇ ਹੱਥ
ਦੋਸਤ ਹਲਕਾ ਕਰਦੇ ਭਾਰ , ਦੋਸਤ ਨਾਲ ਪੁਆ ਕੇ ਹੱਥ

ਮਿਲਦਾ ਬੜਾ ਸਕੂਨ ਜਿਹਾ ਏ , ਫੜ ਕੇ ਹੱਥ, ਫੜਾ ਕੇ ਹੱਥ
' ਮਹਿਰਮ ' ਮੈਥੋਂ ਦੂਰ ਨਾ ਜਾਵੀਂ , ਹੁਣ ਤੂੰ ਕਦੇ ਛੁਡਾ ਕੇ ਹੱਥ

.................................Jaswinder Mehram--------------