...ਅਸੀਂ ਪਾਠਕ ਪੁੰਗਰਦੇ ਹਰਫ਼ ਦੇ ..

ਪੁੰਗਰਦੇ ਹਰਫ ਫੁੱਲ ਪਤੀਆਂ ਨੇ
ਇਕ ਖਿੜੇ ਗੁਲਾਬ ਦੀਆਂ,
ਸਾਨੂੰ ਮਹਿਕਾਂ ਆਉਦੀਆਂ ਨੇ
ਇਸ ਵਿਚੋ ਪੰਜਾਬ ਦੀਆਂ,
ਲਿਖਤਾਂ ਵੰਡਦਾ ਲੱਗੇ ਦੁਨੀਆਂ ’ਚ
ਮਾਝੇ ਮਾਲਵੇ ਤੇ ਦੁਆਬ ਦੀਆਂ,
’ਸੋਹਲ’ ਸੁਪਨਾ ਸੱਚ ਹੋਇਆ ਲੱਗੇ
ਗੱਲਾਂ ਸੀ ਜੋ ਕਦੀ ਖੁਆਬ ਦੀਆਂ....

.......ਜਸਬੀਰ ਸੋਹਲ..........

WINNER POEM August 2009

"ਮਰਿਯਾਦਾ"
ਆਪਣੇ ਦੁਆਲੇ ਖੜੀਆਂ ਕਰ ਕੇ
ਅਣਦਿਸਦੀਆਂ ਜਹੀਆਂ ਕੰਧਾਂ
ਉਹਨਾਂ ਦੁਆਲੇ ਬੁਣਦੇ ਰਹੀਏ
ਜ਼ਿੰਦਗੀ ਵਾਲੀਆਂ ਤੰਦਾਂ

ਹਾਂ ਜ਼ਰੂਰੀ ਵੀ ਹੈ ਸ਼ਾਇਦ
ਇਹ ਦੀਵਾਰਾਂ ਦਾ ਹੋਣਾ
ਉਚੀਆਂ ਕੰਧਾਂ ਦੇ ਵਿਚ
ਐਪਰ ਬੰਦਾ ਹੋ ਗਿਆ ਬੋਣਾ

ਏਸ ਗੱਲ ਤੋ ਮੁਨਕਰ ਹੋਣਾ
ਸ਼ਾਇਦ ਮੂਲ ਨਾ ਭਾਏ
ਹਰ ਯੁਗ ਨਾਲ ਕੰਧਾਂ ਦਾ
ਮਾਨਾ ਦਾਇਰਾ ਵਧਦਾ ਜਾਏ

...............ਗੁਰਪ੍ਰੀਤ ਮਾਨ