ਰੋਜ ਸਵੇਰੇ ਰੋਸ਼ਨੀ ਹੋਵੇ, ਸੂਰਜ ਜਦੋ ਚੜ ਜਾਵੇ,
ਕਾਲੀ ਰਾਤ ਦਾ ਘੋਰ ਹਨੇਰਾ, ਦੂਰੋ ਹੀ ਭੱਜ ਜਾਵੇ
ਭੁੱਖੇ ਦੇ ਲਈ ਰੋਸ਼ਨੀ ਰੋਟੀ,ਢਿੱਡ ਦੀ ਭੁੱਖ ਮਿਟਾਵੇ ,
ਪਿਆਸੇ ਦੇ ਲਈ ਪਾਣੀ ਹੁੰਦੀ , ਡੂਂਗੀ ਪਿਆਸ ਬੁਜਾਵੇ
ਗਰੀਬ ਦੀ ਉਹਦੀ ਕੁੱਲੀ ਰੋਸ਼ਨੀ , ਤਨ ਨੂੰ ਜੋ ਲੁਕਾਵੇ ,
ਲੰਗੜੇ ਦੀ ਹੈ ਲਾਠੀ ਰੋਸ਼ਨੀ, ਜੋ ਡਿੱਗਦੇ ਨੂੰ ਬਚਾਵੇ
ਮਾਂ ਦੇ ਲਈ ਔਲਾਦ ਰੋਸ਼ਨੀ, ਹਿੱਕ ਲਾਇਆ ਠੰਡ ਪਾਵੇ ,
ਧੀ ਦੇ ਲਈ ਜਨਮ ਰੋਸ਼ਨੀ ,ਜੇ ਮਾਂ ਕੁੱਖ ਨਾ ਅੱਗ ਲਾਵੇ
ਮੂਰਖ ਲਈ ਗਿਆਨ ਰੋਸ਼ਨੀ ,ਜੋ ਸਿੱਧਾ ਰਾਹ ਦਿਖਾਵੇ ,
ਸ਼ਾਇਰ ਦੀ ਹੈ ਕਲਮ ਰੋਸ਼ਨੀ, ਜੋ ਸੱਚ ਦੀ ਗੱਲ ਲਿਖਾਵੇ
ਰੋਸ਼ਨੀ ਰੱਬ ਦਾ ਨਾਮ ਹੈ ਦੂਜਾ, ਹਰ ਕੋਈ ਸੀਸ ਝੁਕਾਵੇ ,
ਇਸ ਤੋ ਵੱਖਰਾ ਹੋ ਕੇ ਬੰਦਾ, ਕੁੱਝ ਵੀ ਦੇਖ ਨਾ ਪਾਵੇ
ਸ਼ਾਇਰ ਸ਼ਮੀ ਜ਼ਲੰਧਰੀ
Tuesday, October 7, 2008
Subscribe to:
Posts (Atom)