ਵਿਸ਼ਾ :- "ਹਮਸਫ਼ਰ"
ਜ਼ਿੰਦਗੀ ਵਿੱਚ ਤਲਖੀਆਂ ਨੇ ਤੇ ਮੁਹੱਬਤ ਵੀ ਬਡ਼ੀ
ਹਮਸਫ਼ਰ ਦੇ ਬਾਝ ਕਿੱਦਾਂ ਸਰ ਕਰਾਂਗੇ ਜ਼ਿੰਦਗੀ
ਦੀਵਿਆਂ ਦੀ ਲੋਅ ਤੋਂ ਜੋ ਅਕਸਰ ਸੀ ਸਹੁੰ ਚੁੱਕਦਾ ਰਿਹਾ
ਉਸ ਸ਼ਖਸ਼ ਨੇ ਕਰ ਲਈ ਹੈ ਨੇਰੀਆਂ ਸੰਗ ਦੋਸਤੀ
ਜੀਣ ਦੇ ਕਾਰਨ ਸੀ ਮੇਰੇ ਪਿਆਰ , ਸੱਚ , ਇਨਸਾਫ ਪਰ
ਜਾਣ ਲੱਗਾ ਲੈ ਗਿਆ ਇਤਬਾਰ ਸਾਡੀ ਜ਼ਿੰਦਗੀ
ਪਾਣੀਆਂ ਵਿੱਚ ਟਿਮਟਿਮਾਂਉਦੇ ਤਾਰਿਆਂ ਨੂੰ ਵੇਖ ਕੇ
ਯਾਦ ਆਉਂਦੀ ਹੈ ਬਹੁਤ ਹੁਣ ਯਾਰ ਦੀ ਪਾਕੀਜ਼ਗੀ
ਨੇਰਿਆਂ ਨੇ ਜਿਸ ਤਰਾਂ ਖੌਹਿਆ ਹੈ ਮੇਰਾ ਹਮਸਫ਼ਰ
ਹੂਕ ਜੇ ਮਾਰਾਂ ਤਾਂ ਫਟ ਜਾਏਗੀ ਹਿੱਕ ਆਸਮਾਨ ਦੀ
ਉਂਞ ਰਾਵਾਂ ਸੁੰਨੀਆਂ ਤੇ ਪੈਰ ਕੋਈ ਵਿਰਲਾ ਧਰੇ
ਹਮਸਫ਼ਰ ਦੇ ਸੰਗ ਤੈਨੂੰ ਸਰ ਕਰਾਂਗੇ ਜ਼ਿੰਦਗੀ
------------ਹਰਪ੍ਰੀਤ ਸਿੰਘ----------
੨੮-੦੫-੨੦੧੧
Subscribe to:
Post Comments (Atom)
2 comments:
bhut bhut mubarak...... khoobsurt rachna hai.....
boht boht mubarak harpreet ji
Post a Comment