ਪੁੰਗਰਦੇ ਹਰਫ <ਸੁਧੀਰ ਬਸੀ>

ਕੁੱਝ ਦਿਨ ਪਹਿਲਾਂ ਸਭ ਸੀ ੳ, ਅ ਲਿਖਦੇ,

ੳ, ਅ ਨੂੰ ਮਿਲਾ ਸ਼ਬਦ ਬਣਾਉਣਾ ਸਿੱਖਦੇ,

ਹੋਲੀ ਹੋਲੀ ਸ਼ਬਦਾਂ ਨੇ ਸਤਰਾਂ ਬਣਾਈਆ,

ਪਤਾ ਨੀਂ ਕਦੋਂ ਸਤਰਾਂ ਕਵਿਤਾ ਬਣ ਆਈਆਂ,

ਫੇਰ ਸਭ ਨੇ ਅਪਣੇ ਵੱਖ ਢੰਗ ਦਿਖਾਏ,

ਰਚਨਾਂ ਅਪਣੀ ਵਿੱਚ ਸਭ ਰੰਗ ਮਿਲਾਏ,

ਕਈਆਂ ਦਾ ਰੰਗ ਸੀ ਕੁੱਝ ਫਿੱਕਾ,

ਕਈਆਂ ਨੇ ਦੇ ਦਿੱਤਾ ਕੁੱਝ ਸਿੱਟਾ,

ਕਈਆਂ ਨੇ ਸਮਾਜ ਨੂੰ ਜਗਾਇਆ,

ਕਈਆਂ ਦੇਸ਼ ਦਾ ਗੁਣ ਗਾਇਆ,

ਕਈਆਂ ਚ ਪਿਆਰ ਦੀਆਂ ਮਹਿਕਾਂ,

ਕਈਆਂ ਚ ਹਾੱਸੇ ਦੀਆਂ ਢਹਾਕਾਂ,

ਕਈਆਂ ਨੇ ਕਲੇਜਾ ਹਿਲਾਇਆ,

ਕਈਆਂ ਨੂੰ ਪੜ੍ਹ ਮੈਂ ਮੁਸਕਰਾਇਆ,

ਸਭ ਵਿੱਚ ਸੀ ਦਿਲ ਦੀਆਂ ਗੱਲਾਂ,

ਨ ਕਿਸੇ ਛੇੜੀਆਂ ਨਫਰਤ ਦੀਆਂ ਗੰਢਾਂ,

ਅੰਤ ਮਾਨ, ਰੇਨੂੰ ਦੀ ਮਿਹਨਤ ਰੰਗ ਲਿਆਈ,

ਸਭਨੂੰ ਮਿਲਾ ਉਨ੍ਹਾਂ ਇੱਕ ਕਿਤਾਬ ਬਣਾਈ,

ਮੰਜ਼ਿਲ ਪਾਈ, ਉਨ੍ਹਾਂ ਚੱਲ ਮੁਸ਼ਿਕਲ ਡਗਰ,

ਹਰ ਕੋਈ ਹੈਰਾਨ, ਫੈਲੇ ਚਰਚੇ ਹਰ ਨੁੱਕੜ,

ਦਿਲੀ ਪ੍ਰਾਥਣਾ ਹੈ ਉਸ ਰੱਬ ਦੀ ਤਰਫ,

ਊਚਾਈਆਂ ਛੂਹਣ ਇਹ "ਪੁੰਗਰਦੇ ਹਰਫ"

ਊਚਾਈਆਂ ਛੂਹਣ ਇਹ "ਪੁੰਗਰਦੇ ਹਰਫ" ......