ਵਿਸ਼ਾ :- "ਰੁੱਤ "
ਰੁੱਤ ਉਡੀਕਾਂ ਵਾਲੀ ਸੱਜਣਾ,ਰਾਹੀਂ ਦੀਵੇ ਬਾਲੇ
ਅੱਖੀਆਂ ਵਿੱਚ ਉਨੀਂਦਰ ਰੜਕੇ,ਰੋ-ਰੋ ਦੀਦੇ ਗਾਲੇ
ਵਸਲ ਦੀ ਰੁੱਤੇ ਦਿਲ ਦੇ ਬਾਗੀਂ,ਖਿੜੇ ਜਦੋਂ ਫੁੱਲ ਸਾਰੇ
ਹਿਜਰ ਦੀ ਪਤਝੜ ਦਿਨੇ-ਦਿਹਾੜੇ,ਆ ਕੇ ਡਾਕੇ ਮਾਰੇ
ਯਾਦ ਤੇਰੀ ਦੀ ਰੁੱਤੇ ਆ ਕੇ,ਪੀਂਘਾ ਝੂਟਣ ਪੀੜਾਂ
ਰੇਤ ਦੇ ਉੱਤੇ ਨਕਸ਼ ਬਣਾ ਕੇ,ਨਿੱਤ ਮੈਂ ਤੇਰੇ ਸੀੜਾਂ
ਹੰਝੂਆਂ ਦੀ ਰੁੱਤ ਰੁਕੇ ਨਾ ਪਾਣੀ,ਬੰਨ ਪਲਕਾਂ ਦੇ ਮਾਰੇ,
ਤੇਜ਼ ਵਹਾ ਵਿੱਚ ਰੁੜਦੇ ਜਾਵਣ,ਸੁੱਚੇ ਮੋਤੀ ਖਾਰੇ
ਹਾਸਿਆਂ ਦੀ ਰੁੱਤ ਰੁੱਸੀ ਸਾਥੋਂ,ਚੁਪਕੇ ਜਿਹੇ ਲੰਘ ਜਾਵੇ,
ਕੱਢਣ ਜਾਵੇ ਪੈੜ ਖਾਮੋਸ਼ੀ,ਖਾਲੀ ਹੱਥ ਮੁੜ ਆਵੇ
ਦੀਦ ਤੇਰੀ ਦੀ ਰੁੱਤ ਨਾ ਆਈ,ਸੁੱਖੇ ਮੰਨ ਬਥੇਰੇ
ਰਿਸਣ ਬਿਆਈਆਂ ਪੈਰੀਂ ਵੇ ਹੁਣ,ਰਹੀ ਨਾ ਵਸ ਦੀ ਮੇਰੇ।
ਹਰਮਨ ੨੯-੦੫-੨੦੧੦
Subscribe to:
Post Comments (Atom)
3 comments:
congrats harman ji...
harman ji, boht khoob likhya hai
Post a Comment