ਸਰਹੱਦ
.
ਕੋਈ ਐਸੀ ਜੁਗਤ ਬਣਾਈਏ ਇਹ ਤਾਲੇ ਦਈਏ ਖੋਲ
ਇੱਕ-ਮਿਕ ਹੋ ਕੇ ਫੇਰ ਤੋਂ,ਅਸੀਂ ਸਾਂਝੇ ਕਰੀਏ ਬੋਲ
ਬਾਗ ਲਗਈਏ ਮੋਹ ਦੇ ਤੇ ਵਾਹੀਏ ਪਿਆਰ ਦੇ ਖੇਤ
ਲੋਹ-ਤਾਰਾਂ ਨੂੰ ਪੁੱਟ ਕੇ ਅਸੀਂ ਦੇਈਏ ਇਹ ਵਿਥ ਮੇਟ
ਪਿੱਪਲ ਬੋਹੜ ਲਗਈਏ ਜਿਥੇ ਪੰਛੀ ਕਰਨ ਕਲੋਲ,ਇੱਕ-ਮਿਕ ਹੋ ਕੇ...
ਰਲ-ਮਿਲ ਈਦ ਮਨਾਈਏ ਤੇ ਮੰਗੀਏ ਸਭ ਦੀ ਖੈਰ
ਗਲ ਲੱਗੀਏ ਦਿਵਾਲੀ ਨੂੰ, ਅਸੀਂ ਭੁੱਲ ਕੇ ਸਾਰੇ ਵੈਰ
ਹੋਲੀ ਵਾਲੇ ਰੰਗ ਵੀ, ਸਭ ਉੱਤੇ ਦਈਏ ਡੋਲ, ਇੱਕ-ਮਿਕ ਹੋ ਕੇ...
ਪਾਣੀ ਪੰਜ ਦਰਿਆਵਾਂ ਦਾ ਹੈ ਕਿਹੜੀ ਹੱਦ ਵਿੱਚ ਬੰਨਣਾ
ਅੰਬਰ , ਤਾਰੇ, ਪੌਣ ਨੇ ਕਿਹੜੀ ਸਰਹੱਦ ਨੂੰ ਮੰਨਣਾ
ਆਓ ਰਲ-ਮਿਲ ਸਾਂਭੀਏ , ਇਹ ਕਾਇਨਾਤ ਅਨਮੋਲ, ਇੱਕ-ਮਿਕ ਹੋ ਕੇ...
-ਰੇਨੂੰ-
Subscribe to:
Post Comments (Atom)
2 comments:
positivity naal bharpoor rachna
..mubarak hove.. for winning the contest
Post a Comment